اشباح مخزن عم سلامة الجزء الثاني والاخير

لو سمحت حضرتك فين مخزن الانابيب الى هنا

بصىي ا انسه امشى شمال فى اول شمال هتلاقيه بس حضرتك عاوزه مخزن الانابيب فى ايه

مفيش كنت قريت رسالة فى جرنال عن مخزن عم سلامة تقريبا و جايين عايزن المخزن ده

مخزن مين عم ايه سلامه لالالا بصى يا انسه روحى بيتكم ربنا يلطف بيننا

طب خد لو سمحت بس نمشى ازاى

مليش دعوة بالحاجات دى وانا مالى

الناس هنا شكلهم غريب اوى

يا منى المكان شكله يخوف اصلا مش بس الناس غريبة يالا نمشى

يا مى قولت لك ده كله اكيد كلام وادينا جايين نتاكد فى فعلا حاجة ولا مفيش ودى كانت اشتغالة وهل فعلا فى وليد و عايزنا نساعده ولا لا

بالمناسبه انا وليد فاكريننى اه انا وليد الى بقا نومه ملك لعم سلامة انا نمت نمت بعد 6 ايام ماسك نفسى او تقدروا تقولوا روحت فى غيبوبة من كتر التعب روحت لعم سلامه الى قال لى انه هيحضر ابليس وده دورى وان ابليس هيكافئنى

بس غصب عنى انا مكنتش عايز انام

نمت و روحت تانى للمخزن عند عم سلامه و هناك عم سلامة استقبلنى بنفس النظرة البارده وهو بيضحك ضحكة سخرية وبيقول لى مش فولت لك مفيش اى محاولات هتمنعك من النوم يا بطل شرفت تانى و نورت تانى واتمنى انك تكون استعديت كويس

ما ردتش لانى مكنتش قادر ولا عاوز ارد كان كل الى شاغل بالى ايه الى هيحصل عشان ابليس يجى ويحضر و يكافئنى و هيكافئنى على ايه منا معملتش حاجة

لقيت صوت بيقاطعنى و بيقول لى ما انت هتعمل

دى ندى انتى سامعانى

هنا يا اسلام كلنا بنسمع افكار بعض

طب انتى جيتى هنا ازاى

مش مهم ازاى المهم ان عم سلامه ده عامل زى الفزاعه الى بتيجى للناس فى كوابيسها و انا دليتك على الطريق الى توصل ليه بيه وواضح انى جيت فى الرجلين المهم نعرف ازاى نخرج من هنا وهل لو خرجنا من هنا هنروح فين

قاطعنا صوت عم سلامة و هو بيقول جاهز يا بطل دلوقتى هنبدء

ما ردتش لان ما كانش مطلوب منى ارد بجاهز او مش جاهز لان فى الحالتين كان عم سلامة هيبدء

لو سمحت هو ده مخزن عم سلامه

اه يا انسات خير

طب كنا عاوزين عم سلامه

عاوزينه فى ايه حضرتك عم سلامه راجل كبير وحركته قليلة ومبينزلش كتير

شوفتى يا منى مش قولت لك تلاقى المقال ده واحد كان بهزر و مفيش ولا رعب ولا بتاع يالا نروح بقا

طيب متشكرين حضرتك

يا انسات يا انسات

نعم حضرتك

لو عايزين تقابلوا عم سلامه اوى هو بيته قريب جمب المخزن على طول لو تحبوا اوصلكملا يا منى بلاش يالا نروح

لا يا مى تعالى مش هنخسر حاجة وانتى سمعتى بنفسك انه راجل كبير و ما فيش خوف ولا حاجة

يالا بيننا اتفضل حضرتك ودينا لعم سلامة

وهنا بص عليهم الراجل ده بصه اكيد كلكوا عارفنها بصه باردة كانها بصة شخص ميت وابتسم ابتسامه سخرية

بدء عم سلامه يقرا حاجات غريبة بصوت غريب وانا متكتف من ايدى و رجلى على خشبتين كانى مصلوب و كل الى فى دماغى انى عايز افوق من النوم عايز اصحي بقا يمكن كل ده ينتهى وحتى لو صحيت هيحصل ايه ما هى هى هنام تانى و يكمل انا لازم حل جزرى فى الموضوع ده

تفكيرى كله وقف لما سمعت ضحكه فعلا هى ضحكة ابليس ضحكة مستحيل تكون خارجة من انسان او تكون ضحكه فرح لا دى ضحكه انتصار

الموقف كان صعب لاني مش قادر اوصفه

وفجاة المكان كله ضلم

ضلمه و سكوت و صوت خطوات جاية من بعييييييييييييييييد و بتقرب خطوة بخطوة و كل ما الخوات تقرب احس ان الجو بقا فيه سخونيه و حر و جسمى يعرق اكتر و اكتر و اكتر و .........

وليد وليد قوم يا ابنى

ده دبور بيصحينى قومت على صوته وهو بيقول لى قوم يبنى انت نايم بقالك 3 ايام قلقتنا عليك

قولت لها ايه 3 ايام وسبتونى نايم كل ده ليه

قا لى جه دكتور و كشف عليك و معرفتش يفسر حالتك وقال سيبوه نايم وبنحاول كل شوية نصحيك من ساعتها لحد ما انت قومت دلوقتى

قولت له بصوت مهزوز طب انا عاوز اقوم يا دبور عاوز انزل قومت فعلا و دبور سندنى لحد ما لبست هدومى و نزلت واحنا نازلين شوفت عم سلامه ماشى ومعاه بنتين صغيرين وداخلين بيته

كنت عايز اجرى من مكانى و اشوف واخد البنتين دول يعمل بيهم ايه بس مقدرش انا خايف وكنت لاول مرة فى حياتى اخاف من انسان فقررت اكون جبان و اسكت بس وانا ماشى سمعت بنت منهم بتقول للتانيه

والله يا منى انا قولت لك حاسه ان الى اسمه وليد الى بعت الرسالة ده بيشتغل الناس و ان عم سلامه ده راجل طيب و كويس

هنا جسمى كله اتنفض

د د د د د د ول جايين على رسالتى يعنى انا الى هيل زنبهم لو حصل لهم حاجةرد دبور و قال لى ذنب ايه مالك يا وليد قولت له تعالى معايا نلحق البنات دول قبل ما يروحوا بلاش

قال لى طيب فى ايه فهمنى

قولت له مفيش وقت افهمك تعالى معايا بسرعة و فعلا خدت دبور و جرينا على بيت عم سلامه و لاول مرة تيجى لى الجراة اخبط على باب شقته

و هنا كانت اللحظة الى انا مستنيها من زمان

فتح عم سلامة باب الشقه و هو تعبان من كتر النوم قولت اكيد بيمثل

ولا كانه هو نفس الشخص الى موجود معايا فى احلامى

قولت له عم سلامة فين البنات الى كانوا طالعين معاك دلوقتى

قال لى بنات ايه يا بانى انت مجنون ايه الى بتقوله ده

قولت له مجنون مجنون فين البنات الى كانوا معاك فيهم واحدة اسمها منى تقريبا بنات

صغيرين يا عم سلامة ملهمش ذنب فى حاجة خليهم يمشوا لو سمحت و من غير ما احس لقيت نفسى بدخل شقته و دبور بيحاول يهيدنى و دخلت الشقة فعلا و قلبتها لكنى فى الاخر

ملقتش اى حد جوة الشقة

وهنا دبور قال لى مينفعش الى بتعمله دهمالك يا وليد

خرجت و سبت دبور و عم سلامه و نزلت الشارع ادور على البنات دول و ما لقتش حد روحت عند باب مخزن عم سلامة و مسكت جديدة و فضلت اخبط فى الباب عشان اكسره لحد ما كسرت القفل و فتحت المخزن و دخلت و لقيت

المخزن فاضى

مفيش حد

مفيش سراير

مفيش اى حاجة

يعنى ايه انا اتجننت

خرجت على البيت و دبور قابلنى فى الطريق خدته و طلعت و قوولت له انا عايز حد يكون بيفهم فى الجن و الشياطين

دبور اتخض و قال لى انت مجنون يبنى جن ايه و شياطين ايه

قولت له مليش دعوة اى حد قال لى طيب اهدى انا نازل و هرجع لك تانى يا وليد

نزل دبور ومسكت تليفونى عشان اتصل بندى تليفونها فضل يرن يرن يرن وما بتردش كلمت سلمى نفس الحكاية و مينا نفس الحكاية صرخت بعلو صوتى و

و و و و دلوقتى انا هناك واقف جمب السرير وشايف نفسى و عم سلامه بيقول لى اهلا تانى يا بطل

قولت له اهلا ايه تعالى هنا قول لى انا طلعت شقتك و البنات فين و الن....

مكملتش كلامى قاطعنى و قال لى اساله هو و هو هيقول لك

قولت له اسال مين قال لى سيدنا و شاور لى على حد او حاجة او شئ او كيان واقف اسود و طويل كانه شبح من الاشباح

وعنيه زى النار وباصص لى و مرز اوى فى عنيا

قولت له انت ا ا ا ا ا ا ابلي..

قال لى ايوة هو انا

عايز تعرف البنات فين عندى عايز تعرف انت هنا ليه لان فضولك قتلك

عايز تعرف ايه تانى عايز تعرف ندى و مينا و سلمى فين بص وراك

بصيت ورايا لقيت سراير كتير جمب بعض و مينا و سلمى و ندى و دبور و البنتين واقفين

ايه ده هو العالم كله بيبقا فى نومه تحت امر عم سلامة ولا ايه

بصيت لقيت عم سلامه نفسه واقف جمب سرير و بيبص على نفسه

ده عم سلامه كمان معانا

لقيت الكائن ده بيقوم من مكانه وبيقول لى كله بيطيع اوامرى و كله بينفذ طلباتى

انتوا وسيله وانا بستخدمكم زى منا عايز

سلامه كان اول الطريق و هو الى شد الباقى الخوف و الرعب الى اتولد من اسطورة الاشباح

الى فى مخزنه ساعدنى كتير انى اسيطر عليكم كلكم

وبدء يضحك ضحكات هى مش ضحك هى اصوات الناس الى بتتعذب الى كنت بسمعها زمان من المخزن

لقيت نفسى لا ارادى عمال اقرأ قرآن و بحاول اعلى صوتى مش عارف

والكائن ده بيقول لى تفتكر بعد كل املعاصى دى ربنا هيحميك منى

قولت له ربنا غفور رحيم

وبدات اردد و اقول اكتر و اكتر و اكتر و اكتر و اكتر و سمعت صرخةكبييييييييييييييييييرة خلتنى فوقت من مكانى لما لقيت دبور بيصحينى و بيقول لى قوم يا وليد

عم سلامه لقوه ميت فى شقته ووشه مخضوض كانه شاف عفريت

جريت مع دبور على شقة عم سلامة دخلت شوفت منظر مش قادر انساه لحد دلوقتى

عم سلامه على الارض ووشه مخضوض و مبرق و عنيه نازل منها دم

واصوات الناس عماله تقول راح فى داهيه ده كان راعبنا وراعب المنطقه

وانا مزهول هو فى ايه ايه الى حصل معقوله يكون القرآن نجانى و حرق ابليس و انتهى الرعب طب و

روحت جرى على التليفون اتصلت بندى و سلمى ردوا عليا عادى ولا كان كان فى حاجة

كلمت مينا و حكيت له الى حصل و حكيت له على البنات وراح منزل لهم فى نفس الجريدة طلب انهم لو موجودين يتصلوا لانهم مطلوبين فى حاجة مهمه و فعلا اتصلوا بيه و هو وصلهم بيا و قالوا لى انهم كويسين ولما قولت لهم عم سلامة و المخزن قالوا لى احنا فعلا روحنا و استضفنا عم سلامة و طلع مفيش حاجة م الى انت بتقولها دى خالص و تقريبا انت كنت بتعمل شو او ضجة عشان الناس تهتم بيك اتقى الله بقا

لسه هرد عليها السكة اتقفلت فى وشى

اناكان بيتهيالى يعنى انا اخترعت كل ده و عادى مفيش حاجة

طب و عم سلامة الى مات مرعوب

لا فى حاجة غلط فى حاجة مش مظبوطة انا هنام لانى تعبت وبكرة اقول لكم نمت عادى ولا حصل حاجة

دخلت اودتى عشان انام آآآآآآآآآآآآآآآآآآآآآآآآآآآآآآآآآآآآآآآآآآه دى كانت صرختى لما بصيت على سريرى و لقتنى نايم و مغمض عنيا وكنت شايف نفسى وانا نايم


للتواصل علي الواتس واستقبال قصص من تاليفك أو اختيارك

01100357258