انهار خادمة الجن

انهــــــــــــــار (خادمة الجن)

العين عين الانسان بتسجل كل لحظه فى حياته بتسجل الحلو والوحش اوقات السعاده والحزن العقل ممكن يحزف مواقف او لاحظات مؤلمه لكن فى مواقف وحوادث بتحصل العقل عمره ما يحذفها ابدا وده بيبقى ليه تأثير على الانسان وفعلا حصلت واقعه اتحفظة فى ذاكرتى وذاكرة بناتى الصغيرين ولأنى مش عارفه انساها قررت احكيها احكى قصة الخادمه انهار انا ورده عندى 31 سنه عندى بنتين صفا و سميه صفا عندها 13 سنه وسميه 10 منفصله عن جوزى ومن كتر المشاكل الى ما بنا ومن احساسى انى ممكن اتقل على اهلى قررت انى أأجر شقه ليه انا واولادى فى احد المناطق الشعبيه فى بيت قديم شويه شارع حست ان مفيش حد بيخش الشارع ده كتير كنت حاسه انه شارع ميت طلعت البيت واتفرجت على الشقه اول ما دخلت من باب الشقه قلبى مستريحلهاش قلبى اتقبض اول ما دخلت من عتبت البيت وبعدين غير كده انى حسيت ان الشقه بقالها فتره مقفوله وكمان الحيطه كان عليها اثار كفوف حاجه فعلا غريبه سألت الراجل صاحب البيت هوا مين كان ساكن هنا قالى كان ساكن هنا الحجه زينب الله يرحمها من ساعة ما ماتت الشقه مقفوله جوزها كمان توفى بعديها الشقه دى كانت شايله عيله الحاجه زينب وبنتها واحفدها قولتلو وبنتها سابت البيت قالى لا بنتها سافرت اسكندريه مع ولادها ومحدش يعرف هى فين بس الغريبه انها سافرت مره واحد ومقالتش لحد حتى احنا عرفنا بعدها بفتره ..... بالصدفه ببص فى الارض لقيت صوره صغيره على التراب مسكت الصوره ونفضت التراب من عليها لقيت الراجل بيقولى حظك حلو هى دى صورة العائله كلها الحاجه زينب و بنتها واحفدها وجوزها الحج اسماعيل قولتلو ومين الى ورا الحاجه زينب دى الصوره مش واضحه لأنها على وش الشخصيه الى وراء الحجه زينب حبر اشمعنى يعنى الحبر وقع على وش الشخصيه دى قالى دى الخادمه بتاعتهم تقريبا قولتلو اه شكرا على مسعدتك ليه قالى لا ده واجب وهوا الراجل خارج من الباب لقيت باب الشقه الى قدامى اتفتح وطلعت وحده ست كبيره فى السن وبصتلى وبصت لأولادى وابتسمت قالتلى خلى بالك من ولادك علشان انهار هتخدهم منك قولتلها انهار مين لقيتها سابتنى ودخلت وقفلت الباب قولت للراجل مين دى قالى دى ام جمال ست مجنونه ملكيش دعوه بيها كبرت وخرفت قولتلو مين انهار الى بتتكلم عليها قالى معرفش يا استاذه سلام انا علشان متأخر ومشى طبعا لان الحاله الماديه مش اد كده كنت لازم اوافق على الشقه وكان اول يوم ليه فى الشقه بعد ما نقلت اغراضى كلها بنتى صفا قالتى ماما هوا ده هيبقى بيتنا الجديد قولتلها اه يا حببتى قالتلى بس يا ماما ده مش حلو شكله وحش قولتلها معلشى يا صفا استحملى قالتلى وايه يا ماما الكفوف الكتير الى على الحيطه دى قولتلها مش عرفه يا صفا وبكره هندهن الشقه كلها قالتلى ماشى يا ماما قولتلها مش هتنامى بئه قالتى اه تصبحى على خير يا ماما قولتلها وانتى من اهله خودى اختك معاكى تنام ....قعدت فتحت التلفزيون شويه مكنتش قدره اروق وانضف الشقه فضلت اتفرج على التلفزيون وبعد حوالى نص ساعه سمعت صوت فى احد الغرف مهتمتش وبعد شويه الصوت اتكرر تانى وفضل يتكرر كتير دخلت الغرفه وفتحت النور لقيت شنطة هدومى مفتوح ومرميه على الارض الهدوم كلها استغربت قولت اكيد وحده من البنات بس لمه يصحو بكره قفلت التلفزيون ودخلت انام الدنيا كانت ضلمه بس كنت فتحه نور بره كان مدخل شوية نور وكنت فتحه الباب بتاع الاوضه نص فتحه وانا بتقلب على السرير لقيت جسم واقف بره قدام الباب بيبص عليه كل الكلام ده حصل فى لحظه انا مقدرتش استحمل الى انا شفته صوت فتحت النور ملقتش حاجه الاولاد صحيو قالولى مالك يا ماما طبعا علشان مخوفهمش قولتلهم مفيش حاجه انا اتخبط فى السرير بس فضلت اقراء قرأن فى سرى وفتحت الباب كله علشان النور ينور الاوضه وفى نهار اليوم التانى لبست هدومى وكنت ريحه شغلى وهودى البنات مدرستهم الست الى هى ام جمال دى فتحت الباب كانت بترمى الزباله بصتلى وقالتلى هى انهار ما زارتكيش قولتلها انهار مين دخلت زى المره الى فاتت وقفلت الباب فى وشى نزلت روحت الشغل بالفعل ووديت البنات المدرسه وعلى العصر رجعت البيت ومعايه الاولاد فتحت الباب دخلت وكانت هنا الصدمه الشقه متروقه ومفيش تراب وكل حاجه تمام فضلت وقفه افكر مين الى روق الشقه ده انا كنت سايبه الشقه مش نضيفه لا فى حاجه غريبه بتحصل بس انا مش عايزه احسس الاولاد بحاجه علشان ميخافوش دخلت عادى غرفتى فتحت دولابى علشان اغير وكانت هنا الصدمه التانيه لبس شغاله وسط هدومى لبس مين ده وايه الى جابه هنا لقيت صفا وسميه جين بيجرو بيقولولى ماما ماما فى دم فى الحمام قولتلهم ايه دم دخلت الحمام لقيت نقط دم على الارض لا ده كده كتير ايه الى بيحصل سميه قالتلى دم مين ده يا ماما قولتلها انا اتعورت يا حببتى قالتلى اتعورتى فين يا ماما قولتلها فى رجلى صفا قالتلى ازاى يا ماما اتعورتى قولتلها يا صفا مش لازم تسألى عن كل حاجه قالتلى ماما انا خيفه من الشقه دى قولتلها انا هجيب العامل انهرده يبيضها وفعلا الراجل جه وبيضها الشقه بقى شكلها احلى وعلى المغرب كده الباب خبط فتحت لقيت الست ام جمال قالتلى عيزاكى اكلمك فى حاجه عندى فى الشقه قولتلها ماشى مفيش مشاكل انا جيه يا صفا خلى بالك من اختيك العبو مع بعض انا عند طنط شويه وجيه قالتلى ماشى دخلت شقة ام جمال قالتلى انا عايزه اقولك حاجه خطيره قولتلها ايه قالتلى امشى وسيبى البيت حتى لو هتنامى على الرصيف سيبى البيت ده فورا قولتلها ليه طيب قالتلى انهار قولتلها ايوه بئه مين انهار دى قالتلى الى سكنه معاكم جوه الشقه قولتلها بس مفيش حد ساكن معايه قالتلى انتى تعرفى منين انتى انا سكنه هنا قبليكى وعرفه اكتر منك انهار خدامه مش خدامة شغل بس لا وخدامة اللهم اجعل كلامنا خفيف عليهم الجن قولتلها ايه قالتلى زى ما بقولك انهار هى الى قتلت زينب وجوزها وطفشت حفيدتها انهار كانت بتعمل اعمال وكانت بتحطها فى هدومهم وفى الغرف بتعتهم كانت تيجى عليها سعات يجلها حالة سرع وتشنجات مكانش حد عارف ده من ايه غير انه مرض لكن الحقيقه انها كانت لمه بتشوفهم بتجلها الحاله دى قولتلها بتشوف مين قالتلى الجن من كتر الاعمال الى كانت بتعملها كان البيت ده على طول فى خنقات و مشاكل وكانو بيضربو بعض زينب بعد العمر ده كله بقت تضرب بنتها زينب كانت بتحكيلى على كل حاجه مكنتش بتخبى وفى يوم انهار قررت تتخلص من العائله كلها والسبب مجهول حطتلهم فى الشاى سم لكن سبحان الله زينب واسماعيل شربو الشاى وبنتهم الشاى وقع من اديها زينب واسماعيل لمه وقعو هما الاثنين مره والشاى وقع من اديهم بنتهم فضلت تصوت والناس اتلمت بنتهم قالت ان انهار حطه فى الشاى حاجه لأن ده التفسير الوحيد الناس حاولت تمسك انهار لكن انهار وهى بتجرى وقعت دماغها نزلت على الكرسى الخشب ماتت فى وقتهاكانت حادثه غريبه بعد الحادث بفتره بنتزينب بقا يحصلها حجات غريبه ولادها بقو يقوللها بنشوف انهار يا ماما فى البيت بنشوفها فوق الدولاب تحت السرير وفى كل مكان مع الكلام ده والحجات الغريبه الى بتحصل فى البيت قررت بنتها انها تسيب البيت وهى كانت بتشيل اغرضها بدأت تلاقى مكانتها رسومات غريبه تحت الكنب رسومات وراء الدولاب رسومات كده ودى كانت الاعمال الى بتعملها انهار قولتلها بس مفيش رسومات جوه غير الكفوف وانا بيضت الشقه قالتلى مفيش فايده قولتلها بس الراجل الى جايبنى قالى ان اسماعيل مات بعد زينب هوا ميعرفش حاجه قالت لا كله هنا عارف القصه بس مش بيتكلم واكيد قالك كده علشان تأجرى الشقه قولتلها شكرا على المعلومات وانا فعلا همشى من البيت خالصدخلت الشقه بتعتى وانا بفكر فى الكلام ده للحظة ان نور الغرفه بتاع الاولاد بينور ويطفى والباب مقفول قولت صفا سميه متلعبوش فى النور تعالو يالا لكن لسه النور بيولع ويطفى صفا سميه اخرجو بقولكم لكن مفيش رد النور بينور ويطفى قربت من الباب فتحته لكن الباب مش بيتفتح فضلت اخبط لكن كنت سامعه صوت الاولاد بيضحكه يا صفا افتحى بقولك هضربك وبرضه صوت الاولاد بيضحكه وبدأ صوت الاولاد يتغير تدريجيا ويتحول لصوت واحد بس صوت وحده بتضحك بس ده صوت وحده كبيره بعد عن الباب وطلعت اجرى على ام جمال قولتلها الحقينى ولادى هيضيعو قالتلى فى ايه قولتلها الباب مش عايز يفتح جت معايه وفضلت تخبط على الباب وكانت سمعه نفس الصوت وبدأت تقول بصوت عالى انتى عيزه ايه يا انهار سيبى الولاد يا انهار فضلت اجرى ادور على حاجه اكسر بيها الباب مش لاقيه حاجه فتحت الدولاب لقيت لبس الشغاله لكن عليه دم دم كتير فضلت اصوت ام جمال قالتلى اسمعى كده سمعت صوت ولادى بيتكلمو مع حد يا صفا مين معاكم جوه لكن صفا مش بترد ومستمره فى الكلام جبت كرسى وفضلت اخبط بيه الباب كان صوت ولادى بيعلى اكتر وكانو بينادولى لحد ما كسرت الباب الباب فعلا اتفتح لقيت صفا وسميه تحت السرير وبيعيطو جامد صفا بتقولى ماما كان فى وحده معانه هنا فى الاوضه بس مكناش شيفنها كنا سمعين صوتها بس ام جمال قالتلى امشى من هنا بسرعه ومن غير ما اخد اغراضى خدت ولادى وجريت على الشارع روحت بيت اهلى بعد صدمه كبيره بعد كابوس اشبه بالافلام ذاكرتى وذكرت اولادى مش هتمحى الموقف ده ابدا كنت اتمنى ان الارض تتشق وتبلعنى قبل ما يحصل كده ..........

إنتهت

للتواصل على الواتس لاستقبال قصص رعب من اختيارك أو تاليفك :
01100357258+