قطط الست السيدة

قطط الست سيده

من 3 سنوات كان فى ست اسمها سيده الست سيده كانت مشهوره جدا بتربية القطط زى ما تقولو كده من كتر القطط الى عندها فى بيتها تحس ان فى مزرعة قطط جوه الست سيده كانت عيشه فى بيت من دور واحد بس زوجها متوفى من زمان القطط بتعتها كانت بتسبهم ينزلو الشارع وكانت القطط تلقائيا على المغرب ترجع البيت تانى الست سيده كانت تصرفتها غريبه من ناحية ان كان فى ناس بتسمعها بتتكلم مع القطط وده عادى اى شخص ممكن يعمل وخصوصا مع القطط لكن من ناحيه تانيه فى واحد من سكان العماره الى قدمها بيقول انه شاف خيال جوه البيت عندها لمه النور قطع فى المنطقه الكشاف الى منور فى الشقه بتاعت الست ظهر الخيال ده خيال قطه وشاف ان القطه دى بيطلع من ضهرها حاجه عمله زى الشوك وعويل القطط بقى فى صوت واحد وفجأه النور جه لقى سيده وقفه فى البلكونه وبصاله حس بخوف لأن عين سيده واسعه وشكلها مخيف ولابسه اسود على طول من ساعة وفاة جوزها سيده دخلت وقفلت البلكونه فى البيت الى جنب سيده راجل نجار اسمه شعبان كان موضوع القطط ده مضايقه جدا وجت عليه فتره هدد سيده لو ملمتش قططها من الشارع هيقتلهم وحصلت خنقات كتير مابنهم بسبب القطط وفى يوم شعبان جاب لبن كتير وحط فى اللبن سم وشربه للقطط فى الوقت الى كانو فيه فى الشارع القطط كلها ماتت وكان اليوم ده من اصعب الايام الى مرت على المنطقه لأن سيده بقت تصوت وتعيط كأن اتقتلها قتيل وجمعت القطط الميته كلها فى صندوق وبعد مرور نص ساعه سمعنا صوت ناس بتصوت حريقه حريقه وبدأت الناس تخرج من بيوتها وكان مصدر القلق ده هوا ان سيده حرقت نفسها وماتت ومن بعد موت سيده بدأت المصايب على دمغنا هتصدقونى لو قولتلكم ان القطط كل يوم فى الساعه الى اتقتلت فيها سيده وفى اليوم الى اتقتلت فيه سيده تبدأ القطط تتجمع فى البيت وتبدأ بالعويل فى صوت واحد طيب هتصدقونى لو قولتلكم ان البيت فى نور اصفر خافت بيولع فيه بليل مع ان البيت خلاص يعتبر مهجور اما بالنسبه لشعبان الى قتل القطط ألة تقطيع الخشب قطعة ايده وابنه الى فى الجيش مات مسموم بنفس الطريقه الى قتل بيها القطط بقت الست سيده اسطورة المنطقه لحد ما جه قرار ازاله لبيتها بعد فتره والارض اتباعت واتبنى بيت من ست ادوار وسكنت بناس فى الدور الاول ساكن واحد اسمه فاضل معاه مراته فاضل ده كان بيخاف اوى من الحرميه لدرجة انه عامل باب حديد وحاطط كميرات على باب شقته فى الدور الثانى ساكنه ام اسراء عايشه هى وبنتها بس اما فى الدور الثالث ساكن الاستاذ رائد ومراته و اولاده اما الدور الرابع والخامس لسه مسكنوش اما الدور السادس موجود راجل عجوز ولاده كلهم ماتو فى حادثة عربيه وفضل لوحده مراته ماتت الراجل ده اسمه الحاج مجاهد السكان الى قولنا عليهم بدأو يشتكو من قطه لونها اسود بتجيب اكياس الزباله ببوقها وتسبها عند الشقق كله اشتكى ما عدها الحج مجاهد الى فى اخر دور بالنسبه لفاضل الى فى الدور الاول كانت شكوته ان فى زباله بتترمى قدام الشقه والباب بتاع شقته حد حافر عليه وبيقول انها القطه قرر يشغل الكاميرا ويتابع وحوالى الساعه 10 بليل بدأ فاضل يمل من المراقبه حتى لمه عاد تسجيلات الكاميرا ملقاش حاجه قال لمراته انا هخش اشوف اى حاجه اكولها دخل المطبخ رجع لقى مراته وقفه بتترعش وكأن لسنها علق قالها مالك شاورت براحه على الشاشه بص فاضل فى الشاشه لقى فى عين بتنور بتبص للكاميرا فتح النور لقى قط لونه اسود بيبص للكاميرا وبيفتح بوقه كأنه عارف ان حد بيرقبه فاضل فضل باصص للشاشه ومستغرب مراته بصت ورها وفجأه فقدت الوعىفاضل بص وراه لقى القط واقف وقاعد نفس الوضعيه الى كان قاعد بيها بره لكن لمه بص للشاشه لقى القط قاع باصص برضه للكاميرا ده معناه ان القط يا اما بسبع اروح ودى روح منهم زى ما المثل بيقول يا اما ده قط غيره لكن دخل ازاى وكانت نفس نظرة القط اتفاجئ فاضل انالقط بيهجم عليه وبوظ وش فاضل من كتر الخربشه الى عملهالو فى وشه فاضل فقد الوعى زى مراته واخر حاجه سجلتها الكاميرا القط وهوا شعره بيقع وبدأ يتحرك من مكانه ويطلع الدور الى بعده عند ام اسراء ام اسراء سمعت حاجه بتخبط على الباب قالت مين محدش رد بصيت من العين السحريه ملقتش حاجه وبعد شويه اتكرر نفس الصوت لكن مكنش خبط ده كانت خربشه اسراء قالت لأمها انا هفتح قالتلها لا متفتحيش شوفى مين قبل ما اسراء تقرب من الباب سمعت حد بيقول فى ودنها افتحو الباب يا اولاد ادم بصت تحت رجليها لقت شعر قط بست لوالدتها قالتلها ايه ده يا ماما فى شعر على هدومك قالتلها وانتى كمان يابنتى فى شعر على هدومك اكتشفو ان البيت كله مليان شعر قطط على السرير والكنب والمطبخ والحمام

اما فى شقت رائد الحاجه الوحيده الى اتذكرت ان ابنه الصغير قاله يا بابا فى قطه سوده دخلت فى رجلى والده سأله وهى فين القطه قاله لسه فى رجلى

اما فى الدور الاخير الحاج مجاهد قاعد بيسمع الراديو سمع صوت قطه بص فى كل مكان ملقاش حاجه دور تحت الكراسى بردو مفيش لكن اكتشف ان الصوت جى من فوقيه القطه الى بتطلع صوت مشيه على سقف الشقه وقالبه رقبتها وبصا للحج شداد الحاج شداد فضل باصص للقطه وقال انه من سليمان وانه بسم الله الرحمن الرحيم انه من سليمان وانه بسم الله الرحمن الرحيم انه من سليمان وانه بسم الله الرحمن الرحيمالقطه وقعت من على السقفاظافرها بدأت تتكسر شعرها بدأ يقع بقت كأنها قطه مسلوخه وبقت القطه عماله تجرى فى جميع انحاء الشقه كأنها عيزه تهرب بس مش عرفه الحاج مجاهد فتح الباب وزى ما تكون القطه ما صدقت لقت مهرب وخرجت تجرى

من الاساطير الى اتقالت على القصه ان روح القطط الى ماتت كلها فى القطه دى
وفى اقويل تانيه انها القطه الوحيده ما بين القطط الى ربتها سيده الى عاشت وبتنتقم
لكن المعلومه بئه الصحيحه ان سيده دفنه القطط كلها تحت البيت بدليل ان الراجل صاحب البيت لمه جه يعمل اثاث للبيت وحفر لقى قطط كتير متعفنه رمه القطط وردم قوقيها وعمل الاثاث بتاع البيت اصبح البيت ملعون وكل السكان طفشو منه ما عدا واحد بس الى أصر على انه ميطلعش من البيت وهوا مجاهد الى عرف يصد اللعنه دى

انتهت
للتواصل على الواتس لاستقبال قصص رعب من اختيارك أو تاليفك :
19419917034+